Arivu

1
അറിയപ്പെടുമിതുവേറ-
ല്ലറിവായിടുംതിരഞ്ഞിടുംനേരം;
അറിവിതിലൊന്നായതുകൊ-
ണ്ടറിവല്ലാതെങ്ങുമില്ലവേറൊന്നും.

2
അറിവില്ലെന്നാലില്ലീ-
യറിയപ്പെടുന്നതുണ്ടിതെന്നാലും;
അറിയവൊന്നില്ലെന്നാലീ-
യറിവേതറിവി,ന്നതിറിഞ്ഞീടാം.

3
അറിവിന്നളവില്ലാതേ-
തറിയാ,മറിവായതുംവിളങ്ങുന്നു;
അറിവിലെഴുന്നകിനാവി-
ങ്ങറിവായീടുന്നവണ്ണമങ്ങെല്ലാം.

4
അറിവിനുനിറവുണ്ടെന്നാ-
ലറിവല്ലാതുള്ളതെങ്ങിരുന്നീടും?
അറിവേതെന്നിങ്ങതുപോ-
യറിയുന്നങ്ങെന്നിതെങ്ങിരുന്നീടും?

5
അറിവിലിരുന്നുകെടുന്നീ,-
ലറിവാമെന്നാലിതെങ്ങിറങ്ങീടും?
അറിവിനെയറിയുന്നീലി,-
ങ്ങറിയുംനേരത്തുരണ്തുമെന്നായി.

6
അറിയുംമുന്‍പേതെന്നാ-
ലറവില്ലാതൊന്നുമിങ്ങിരിപ്പീല;
അറിവറ്റതിനേതതിരു-
ണ്ടറിവെന്നാലൊന്നുമിങ്ങുകാണ്‍മീല.

7
അറിയുന്നുണ്ടില്ലെന്നി-
ങ്ങറിയുന്നീലേതിലേതെഴുന്നീടും?
അറിയപ്പെടുമെങ്കിലുമ-
ല്ലറിവല്ലെന്നിങ്ങുനമ്മെനോക്കീടില്‍.

8
അറിവെന്നന്നേയിതുമു-
ണ്ടറിയുന്നീലേതിലേതെഴുന്നീടും?
അറിവൊന്നെണ്ണംവേറി-
ല്ലറിവല്ലാതെങ്കിലെന്തിരിക്കുന്നു?

9
അറിവിന്നിടമൊന്നുണ്ടി-
ല്ലറിയപ്പെടുമെന്നതിന്നുവേറായി,
യറിയപ്പെടുമെന്നതേറുമെണ്ണീടില്‍?

10
അറിയുന്നീലന്നൊന്നീ-
യറിയപ്പെടുമെന്നതുണ്ടുപോയീടും;
അറിവിലിതേതറിയുന്നീ-
ലറിവെന്നാലെങ്ങുനിന്നുവന്നീടും?

11
അറിവിന്നവായ്നിന്നേ-
തറിയിക്കുന്നിങ്ങുനാമതായിടും;
അറിവേതിനമെങ്ങനെയീ-
യറിയപ്പെടുമെന്നതേതിതോതീടില്‍?

12
അരിവെന്നതുനീയതുനി-
ന്നറിവിട്ടറിയപ്പെടുന്നതെന്നായി,
അറിയപ്പൊടുമിതുരണ്ടൊ-
ന്നറിയുന്നുണ്യെന്നുമൊന്നതില്ലെന്നും.

13
അറിവുമതിന്‍വണ്ണംചെ-
ന്നറിയുന്നവനിന്‍പകര്‍ന്നുപിന്നീടും
അറിയപ്പെടുമിതിലൊന്നീ-
യറിവിന്‍പൊരിവീണുചീന്തിയഞ്ചായി.

14
അറിയുന്നവനെന്നരിയാ-
മറിവെന്നറിയുന്നവന്നുമെന്നാകില്‍
അറിവൊന്നറിയുന്നവനൊ-
ന്നറിയുന്നതിലാറിതെട്ടുമായീടും.

15
അറിയപ്പെടുമിതിനൊത്തീ-
യറിവേഴൊന്നിങ്ങുതാനുമെട്ടായി
അറിവിങ്ങനെവെവ്വേറാ-
യറിയപ്പെടു,മെന്നതുംവിടുര്‍ത്തീടില്‍.